Jindagi ki Paheli

jindagi ne noore-nazar barsaya humpe

jab humain iski chahat naa thee

bin maange who sab mila

jiski humain kabhi khwahish bhi naa thee

fir jindagi aayi dobara se

apni kashti ke saath hamare ghaat

par iss baar rehmo-karam nahi tha iska humpe

ye to dene aaye thee bas humain aghaat

taqdeer ke ek ishaare pe dekho

kaisa isne khel dikhaya

veeran kiya mann ka nagar

aur humko seedhe jannat se jameen ka raasta dikhlaya

tauba! loota bhi humko isne tabhi

jab chalkaate firte the hum apni khushi ki ye nami

fir kya tha, hazaar sawaal uthaye humne

aur dekha idhar udhar bhi

tab pata chala ki

ye hai bas ek bhanwar hee

ghoom fir kar wapas aa gaye hum apni takleef ke ghar

aur sochne lage hum yahee har pahar

kya paheli hai ye jindagi

kabhi deti hai khushi aur kabhi deti hai kami

cheena-jhapti ke iss dwandh main aakhir humne jaana itna hee

pyaaz ke chilke ki tarah hai ye hamaree reh-guzar bhi

jitna bhi cheelo, paaoge ek aur nayi lehar

aur saath main ro-oge bhi, dekhar wahee puranee dagar

kaash hota itna aasan

iss paheli ko samajhna

khota naa koi fir, kal aaj aur kal apna

isliye jaane dete hai

iske rang dhang ko samajhne ki yee baat

socho bas itna ki

hoti hai hariyali har tabahee ke bhi baad!!